朱約信

外好汝甘知

歌詞:阿城 歌曲:伍佰 台羅拼音:關德樂

咱若是心頭結歸裘lán ná sī sim-thâu kiat kui kiû

著來飲酒濕一咧濕一咧 外好汝甘知 (好啦)tio̍h lâi lím tsiú sip tsi̍t ê sip tsi̍t ê guā hó lí kam tsai (hó là)

啊有人飲酒啊假紳士 有人飲酒啊脫霓舞ah ū-lâng lím tsiú ah ké sin-sū ū-lâng lím tsiú ah thuah ní bú

有人飲酒啊愛唱歌 我若飲酒話著一大攤ah ū-lâng lím tsiú ah ài tshiùnn-kua guá lím tsiú uē tio̍h tsi̍t-tuā-thián

有人飲酒會面絿絿 有人飲酒愛撚嘴鬚ū-lâng lím tsiú ē biān khiu khiu ū-lâng lím tsiú ài lián tshuì tshiu

有人飲酒會搥心肝 我若飲酒尚愛招酒伴(哈麥)ū-lâng lím tsiú ē tuî sim-kuann guá ná lím tsiú siāng ài tsio tsiú phuānn (ha mài)

人生親像一盤棋lîn-sing tshin-tshiūnn tsi̍t puânn kî

(甘拜 殺鹿 氣乎死 乾杯)kam pài thâi lo̍k khì honnh sí kan-pue

成功失敗 思霜枝sîng-kong sit-pāi su siang ki

(甘拜 殺鹿 氣乎死 乾杯)kam pài thâi lo̍k khì honnh sí kan-pue

出入江湖呀身不由己呀 風度永遠著愛保持tshut-li̍p kang-ôo ah sin-put-iû-kí hong-tōo íng-uán tio̍h ài pó-tshî

酒量若有呀尚得意 但是酒品呀統要緊tsiú-liāng nā-ū ah siōng tik-ì tān-sī tsiú-phín ah thóng iau kín

若欲臭彈歕來雞規呀 請汝趕緊來趁酒醉nā bô tshàu-tuānn pûn lâi kue kui ah tshiánn lí kuánn-kín lâi thàn tsiú-tsuì

飲落去 飲落去 毋倘漏氣lím-lue lím-lue m̄-thang làu-khuì

呀醉落去 醉落去 大家歡喜ah tsuì-lue tsuì-lue ta̍k-ke huann-hí

咱若是心情咧憂愁lán ná sī sim sim-tsîng leh iu-tshiû

著來飲乎馬西馬西 毋通胡白想(好咧)tio̍h lâi lím honnh má se má se m̄-thang oo-pe̍h siūnn (hó leh)

來來來 我的朋友好兄弟(尤伊 油伊 游揖)lâi lâi lâi guá ê pîng-iú hó hiann-tī (iû i iû i siû )

燒酒著給飲落去毋倘飼金魚(好啦 好啦)sio-tsiú tio̍h kā lím-lo̍h-khì m̄-thang tshī kim-hî (hó là hó là)

請大家燒酒繼續斟(縮咧)tshiánn ta̍k-ke sio-tsiú kè-sio̍k thîn (kiu leh)

給伊斟乎伊 表面張力 外好汝甘知喔(嗦淚 縮淚)kā i thîn honnh i piáu-biān tsāng lì guā hó lí kam tsai ooh (so luī kiu luī)

咱若是心頭結歸裘lán ná sī sim-thâu kiat kui kiû

著來飲酒濕一咧濕一咧 外好汝甘知(知啦)tio̍h lâi lím tsiú sip tsi̍t ê sip tsi̍t ê guā hó lí kam tsai (tsai là)

彼落阿土阿草仔出世作酒蟲hit lo̍h ah thóo ah tsháu-á tshut-suè tsò tsiú thâng

無代無誌嘛會找孔縫bô-tāi bô-tsì mā ē tshuē khang pâng

阿仁阿義仔干哪一杯落腹ah jîn ah gī á kan ná tsi̍t pue lo̍h-pak

紅關公著走出來弄âng kuan-kong tio̍h tsáu tshut-lâi lāng

杯底毋倘飼蟾蜍pue té m̄-thang tshī tsiunn-tsî

杯底毋倘種蕃薯pue té m̄-thang tsíng han-tsî

杯底毋倘飼紅蟳pue té m̄-thang tshī âng tsîm

杯底毋倘娶細姨pue té m̄-thang tshuā sè-î

啊人講酒醉嘛心頭定 啊毋倘藉口欲賈人車拼ah lâng kóng tsiú-tsuì mā sim-thâu tiānn ah m̄-thang tsioh-kháu beh ká lâng tshia-piànn

飲酒尚驚來敖牽拖 楞楞相掙講毋知疼lím tsiú siōng kiann lâi gâu khan-thua gông gông sio tsin kóng m̄ tsai thiànn

啊人生永遠是向前行 啊飲啦 飲啦免著驚ah lîn-sing íng-uán sī hiòng-tsiân kiânn ah lím là lím là bián tio̍h kiann

啊面子暫時啊免論輸贏ah biān tsú tsiām-tshi ah bián lūn su-iânn

剖腹交陪朋友成(哈麥)phuà-pak kau-puê pîng-iú tshiânn (ha mài)

呀講著飲酒 我攏無步 講著食燻 我火就著ah kóng-tio̍h lím tsiú guá lóng bô-pōo kóng-tio̍h tsia̍h hun guá hué tio̍h tio̍h

若講著檳榔 我著吐血 若講著賭筊 我著會氣ná kóng-tio̍h pin-nn̂g guá-tio̍h thòo-hueh ná kóng-tio̍h pua̍h-kiáu guá tio̍h ē khì

若閣欲臭彈來歕雞規 請汝趕來緊來趁酒醉ná koh beh tshàu-tuānn pûn kue kui tshiánn lí kuánn-kín-lâi thàn tsiú-tsuì

呀飲落去 飲落去 毋倘漏氣lím-lue lím-lue m̄-thang làu-khuì

醉落去 醉落去 大家歡喜ah tsuì-lue tsuì-lue ta̍k-ke huann-hí

咱若是心頭結歸裘lán ná sī sim-thâu kiat kui kiû

著來飲酒濕一咧濕一咧 外好汝甘知(知啦)tio̍h lâi lím tsiú sip tsi̍t ê sip tsi̍t ê guā hó lí kam tsai (tsai là)

我咧外爽汝甘知(知啦)guá leh guā sóng lí kam tsai (tsai là)

我咧外贊汝甘知(知啦)guá leh guā tsàn lí kam tsai (tsai là)

我咧外好汝甘知(知啦)guá leh guā hó lí kam tsai (tsai là)

厄!搭搭搭搭搭搭…eh! tah tah tah tah tah tah

朱約信 的其他歌曲 · More by 朱約信

歌詞與台羅拼音出處 · Lyrics and Tâi-lô from 台客鬼 Tâi Kheh Kuí