伍佰

仝款的月娘

作詞:伍佰 作曲:伍佰 台語拼音:關德樂

毋知妳佇遐遠的所在好無m̄ tsai lí tī hiâ hn̄g ê sóo tsāi hó-bô

敢有好好仔食飯kám ū hó hó á tsia̍h pn̄g敢有逐工較早睏kám ū ta̍k-kang khah-tsá khùn

敢有心情鬱卒抑是寂寞的kám ū sim-tsîng ut-tsut ia̍h sī siok-bo̍k ê

敢有出去曝日頭kám ū tshut-khì pha̍k-ji̍t-thâu曷是吹吹仔風a̍h sī tshue tshue á hong

敢有親情朋友不時去相揣kám ū tshin-tsiânn pîng-iú put-sî khì sio-tshuē

敢有逐工講寡話kám ū ta̍k-kang kóng kuá uē敢有揣代誌來做kám ū tshuē tāi tsì lâi tsuè

我佇這咧所在一切攏好勢guá tī tsit leh sóo-tsāi it-tshè lóng hó-sè

妳嘛毋免掛心lí mah m̄ bián kuà sim嘛著照顧身體mah tio̍h tsiàu-kòo sin-thé

是不是想我的暗時sī m̄ sī siūnn guá ê àm-sî四爿攏恬靜靜sì-pîng lóng tiām tsīng tsīng

我想妳和我親像guá siūnn lí hām guá tshin tshiūnn咱來拍開窗lán lâi phah khui thang

咱來看到仝款的月娘lán lâi khuànn-tio̍h kâng-khuán ê gue̍h-niû

妳若出去行路就行較慢咧lí ná tshut-khì kiânn-lōo khah bān leh

路裏不時足濟車lōo lí put sî tsiok tsè tshia塗跤不是平坦坦thôo-kha m̄ sī pênn-thánn-thánn

天氣寒的時陣就穿較燒咧thinn-khì kuânn ê sî-tsūn tō tshīng khah sio leh

咱遐風透地閣闊lán hiâ hong thàu tē koh khuah感到就閣去注射kám tio̍h tō koh-khì tsù-siā

心情就愛放予伊鬆鬆仔的sim-tsîng tō ài pàng hōo i sam-sam á ê

頭殼毋免想遐濟thâu-khak m̄-bián siūnn hiâ tsè想到就愛敲電話siūnn tio̍h tō ài khà tiān-uē

我佇這咧所在一切攏好勢guá tī tsit leh sóo-tsāi it-tshè lóng hó-sè

妳嘛毋免掛心lí mah m̄ bián kuà sim上重要妳身體mah tio̍h tsiàu-kòo sin-thé

是不是想我的暗時sī m̄ sī siūnn guá ê àm-sî四爿攏恬靜靜sì-pîng lóng tiām tsīng tsīng

我想妳和我親像guá siūnn lí hām guá tshin tshiūnn咱來拍開窗lán lâi phah khui thang

咱來看到仝款的月娘lán lâi khuànn-tio̍h kâng-khuán ê gue̍h-niû

愛知影想我的時陣ài tsai-iánn siūnn guá ê sî-tsūn妳毋是一个人lí m̄ sī tsi̍t ê lâng

我佇遮和妳相像guá tī jia hām lí sio-siāng

咱來拍開窗lán lâi phah khui thang咱來看到仝款的月娘lán lâi khuànn-tio̍h kâng-khuán ê gue̍h-niû

伍佰 的其他歌曲 · More by 伍佰

歌詞與台羅拼音出處 · Lyrics and Tâi-lô from 台客鬼 Tâi Kheh Kuí