李婭莎

11點的約會

作詞:黃士祐 作曲:黃俊銘 台羅拼音:關德樂

玻璃 酒杯內底po-lê tsiú pue lāi-té

斟滿伊 甜蜜的話thîn buán i tinn-bi̍t ê uē

一杯又一杯 11點亦袂tsi̍t pue iū tsi̍t pue tsa̍p i̍t tiám ia̍h buē

心愛的伊 就欲來約會sim-ài ê i tio̍h beh lâi iok-huē

熟悉伊底咧頂回si̍k-sāi i tí leh tíng-huê

失戀後的酒館內底sit-luân āu ê tsiú-kuán lāi-té

萍水相逢 對生份人講著心內話phiô tsuí siong-hông tuì sinn-hūn lâng kóng-tio̍h sim-lāi-uē

知己~講叫阮做ti-kí kóng kiò gún tsuè

頭家~你笑什貨thâu-ke lí tshiò siánn-huè

笑阮戀愛沒加讀冊tshiò gún luân-ài bô ke tha̍k-tsheh

等伊哪來 你才看詳細tán i ná lâi lí tsiah khuànn siông-sè

恩愛情侶 就親像阮安捏in ài tsîng phuānn tio̍h tshin-tshiūnn gún an-ne

燒酒~杯仔見底sio-tsiú pue-á kinn-té

時間甘 已經超過sî-kan kam í-king tshiau-kuè

一曲又一曲 卡拉不OKtsi̍t khik iū tsi̍t khik kha-lá put OK

手機你是咧 裝啞口咩tshiú-ki lí sī leh tsng é-káu meh

熟悉伊 底咧頂回si̍k-sāi i tí leh tíng-huê

醉茫茫 的酒館內底tsuì bông-bông ê tsiú-kuán lāi-té

枕頭耳邊 聲聲句句只愛我一個tsím-thâu hīnn-pinn siann-siann-kù-kù tsí ài guá tsi̍t ê

甲阮~當作寶貝kā gún tòng-tsuè pó-puè

頭家~你笑什貨thâu-ke lí tshiò siánn-huè

酒菜到底是攢好袂tsiú-tshài tàu-té sī tshuân hó buē

這來的人客 真正是歹勢tsia lâi ê lâng-kheh tsin-tsiànn sī pháinn-sè

阮邊仔這位 已經有人坐gún pinn-á tsit uī í-king ū-lâng tsē

熟悉伊,底咧頂回si̍k-sāi i tí leh tíng-huê

沒人愛的酒館內底bô-lâng ài ê tsiú-kuán lāi-té

寂寞兩個 湊合一咧講欲來作夥siok-bo̍k nn̄g-ê tshao-ha̍p tsit-ê kóng-bē-lâi tsò-hué

約好~來這相會iok hó lâi tsiah siong-huē

頭家~你笑什貨thâu-ke lí tshiò siánn-huè

乎人放鳥 沒可能安捏hōo lâng pàng tsiáu bô khó-lîng an-ne

明明時間 亦擱早咧bîng-bîng sî-kan ia̍h koh tsá leh

為何人客 袸我一咧uī-hô lâng-kheh tshûn guá tsi̍t ê

為何人客 袸我一咧uī-hô lâng-kheh tshûn guá tsi̍t ê

李婭莎 的其他歌曲 · More by 李婭莎

歌詞與台羅拼音出處 · Lyrics and Tâi-lô from 台客鬼 Tâi Kheh Kuí