謝銘祐

伊

叫著伊 叫著伊 叫袂厭兮名字kiò-tio̍h i kiò-tio̍h i kiò buē ià ê miâ-jī

笑微微 頭敧敧 火燒兮初戀時tshiò-bi-bi thâu khi khi hué-sio ê shoo luân sî

規把兮青春 一滴嘛無賰kui pé ê tshing-tshun tsi̍t tih mā bô tshun

攏交予伊 趁著天頂彼粒月娘圓圓lóng ka hōo i thàn-tio̍h thinn-tíng hit lia̍p ge̍h-niû înn-înn

一粒心肝若栽入愛情池 啊~ 救袂離tsi̍t lia̍p sim-kuann ná tsai ji̍p ài-tsîng tî ah~ kiù buē lī

怨嘆伊 怨嘆伊 斡頭煞做伊去uàn thàn i uàn thàn i ua̍t-thâu suah tsuè i khì

心虛虛 面青青 緣哪會無牽絲sim hi hi bīn tshinn tshinn iân ná ē bô khan-si

歡喜予伊分 詛咒家己吞huann-hí hōo i hun tsiù-tshua ka-kī thun

溫柔兮伊 如今無情無義無心惡鬼un-liû ê i lû-kim bô-tsîng bô-gī bô-sim ok-kuí

美麗兮夢若變成斷腸詩 啊~ 唸規暝bí-lē ê bāng ná piàn-sîng tuān-tshiâng si ah~ liām kui-mî

思念伊 思念伊 一日三个秋天su-liām i su-liām i tsi̍t-ji̍t sann-ê tshiu-thinn

冷吱吱 恬嗤嗤 病相思無藥醫líng ki ki tiām tshi tshi pēnn siunn-si bô io̍h i

有緣煞無份 有命煞無運ū iân sannh bô hūn ū miā suah bô ūn

只有祝伊 真正遇到伊个最後兮伊tsí-ū tsiok i tsin-tsiànn gū-tio̍h i ê tsuè-āu ê i

一齣幸福若搬成絕情戲 啊~ 伊~tsi̍t tshut hīng-hok ná puann sîng tsua̍t-tsîng hì ah~ i~

謝銘祐 的其他歌曲 · More by 謝銘祐

歌詞與台羅拼音出處 · Lyrics and Tâi-lô from 台客鬼 Tâi Kheh Kuí