滅火器

南國的風 (Southern Wind)

作詞:楊大正 作曲:楊大正 台語拼音:關德樂

又閣咧落雨iū-koh leh lo̍h hōo已經落規下晡í-king lo̍h kui ē-poo

心情齷齪感覺袂爽快sim-tsîng ok-tshok kám-kak bē sóng khuài

又閣咧冤家iū-koh leh uan-ke到底咧冤啥貨tàu-té leh uan siánn-huè

問題規大堆būn-tê kui tuā-tui毋知按怎解m̄ tsai án-tsuánn kái

心情愈來愈害sim-tsîng lú lâi lú hāi脾氣愈來愈䆀phî-khì lú lâi lú bái

朋友講阮變甲真奇怪pîng-iú kóng gún piàn kah tsin kî-kuài

袂當閣等待buē-tàng koh tán-thāi欲離開這所在beh lī-khui tse sóo-tsāi

問題規大堆būn-tê kui tuā-tui我毋願閣忍耐guá m̄-guān koh lím-nāi

離開這个所在lī-khui tsit ê sóo-tsāi去四界流浪看覓khì sì-kè liû-lōng khuànn-māi

走揣佇咧心內的tsáu-tshuē tī-leh sim-lāi ê美麗世界bí-lē sè-kài

南國的風吹來lâm kok ê hong tshue lâi我漸漸了解guá tsiām-tsiām liáu-kái

答案一直攏佇我心內tap-àn it-ti̍t lóng tī guá sim-lāi

太平洋的風Thài-pîng-iûnn ê hong吹著輕鬆的跤步tshue tio̍h khin-sang ê kha-pōo

敢會成功袂當傷勉強kám ē sîng-kong bē-tàng siunn bián-kióng

天頂的彼粒星thinn-tíng ê hit lia̍p tshinn是當初的夢想sī tong-tshoo ê bāng-sióng

已經有偌久í-king ū juā-kú毋捌遮感動m̄ bat jia kám-tōng

離開這个所在lī-khui tsit ê sóo-tsāi去四界流浪看覓khì sì-kè liû-lōng khuànn-māi

走揣佇咧心內的tsáu-tshuē tī-leh sim-lāi ê美麗世界bí-lē sè-kài

南國的風吹來lâm kok ê hong tshue lâi我漸漸了解guá tsiām-tsiām liáu-kái

答案一直攏佇我心內tap-àn it-ti̍t lóng tī guá sim-lāi

港邊傳來陣陣歌聲káng-pinn thuân-lâi tsūn tsūn kua-siann

佇風中輕輕放送tī hong tiong khin khin hòng-sàng

啦啦啦啦啦啦啦啦啦喔喔lah lah lah lah lah lah lah lah lah ooh ooh

南國的風吹來lâm kok ê hong tshue lâi我漸漸了解guá tsiām-tsiām liáu-kái

答案一直攏佇我心內tap-àn it-ti̍t lóng tī guá sim-lāi

滅火器 的其他歌曲 · More by 滅火器

歌詞與台羅拼音出處 · Lyrics and Tâi-lô from 台客鬼 Tâi Kheh Kuí